Indianapolis : Indianapolis khuasa chin ngakchia Andrew Khyang cu tuchun  suimilam pakhat hrawngah khan a donghnak bik an hmuh a si. A nu le pa nih an fa Andrew a tlau an theih in Palek 911 sinah an theihter colh hna. Indiana Police Department, Urban Search and Rescue, Indiana Police Department le K-9 officers hna nih caan sau nawn an kawl hnu ah zaanlei suimilam 7 hrawngah anmah an inn pawng tibual ah a ruak in an char hi a si.

“Andrew I nu le pa hi Aung Aung le Tin Tin an si I, a tu I a nunnak a liam mi an fapa hi an fale pathum lak ah a hniangbik a si” tiah Indiana Falam Community nih an facebook page ah thanhnak ca an thlah.

Andrew hi kumnga te lawng a si rih. Chinland News nih “Anih hi autism timi chambaunak phun khat a ngeimi asi, midang bantuk in zapi chawnh biak a thiam tuklomi le a dai ngaimi a si” tiah Andrew kongah a tial.

LEAVE A REPLY

Please enter your comment!
Please enter your name here